СҮЙЕККЕ ТАҢБА БОЛҒАН СӨЗ

Бір әйел күйеуі мен енесі күн сайын ұрып-соғып, балағат сөздер айтып күн бермеген соң, баласын жетектеп төркініне қарай бет алыпты. Жолда ол әйелді Алдаберген би көріп қалып, мән-жайға әбден қанығады. Сосын қағазға бір сөз жазып:

«Бір ашуыңды бас, еліңе қайт. Ал мына қағазды пәленшеге берерсің» деп әйелді райынан қайтарады. «Алдаберген би берді дерсің» дейді қосымша. Осы сөзді әлгі ауылдың үлкені оқығанда, тұрған жерінен отырып қалып:

«Әй, әттеген-ай! Сүйекке таңба басылды ғой. Тірідей көмілдік қой. Енді қайттік?» -дей беріпті. Сөйтсе қағазға мына сөз жазылған екен:

Қойдан қозы туады шөп жейтұғын,

Иттен күшік туады боқ жейтұғын.

Осындай бейсауат  сөз сөйлегенге,

Ауылыңнан шықпады ма қой дейтұғын.

Оқи отырыңыз... Авторлық мақалалар

Пікір қалдыру

Сіздің E-mail-ңыз жарияланбайды.