Мен өз ұлтымның кейбір кемшіліктерін бетке айтқым келеді. Бірақ бұл өз ұлтымды жек көру емес. Қайрау. Біздің ұлт әлі күнге бейжай, марғау өмір сүріп жатқаны рас па, рас. Тілге келсек те самарқау. «Түбі бір оңалар» деген соқыр сенім бар. Тілді бүгін қалыпқа келтірмесек, компьютердің түбінде мөлиіп отырып есейіп келе жатқан ұрпаққа ол ертең керек болмай қалуы мүмкін. Демек, біз бойкүйездіктен арылып, қазір қимылдауымыз керек.Біз көп нәрседен самарқаулығымыздың арқасында ұтылып келеміз.

Ұлымызды ұрып, қызымызды зорлайды кейбіреулер. Бірақ біз жергілікті ұлт ретінде өз жерімізде тұрсақ та, оларға сес көрсете алмаймыз. Неге?

Мұның барлығы өз болашағымызға енжалықпен қарау. Рухтың жоқтығы, намыстың кемдігі…

365 info.kz