Түркістан облысында 2024 жылдың басынан бері 24 167 адам жұмысқа орналасса, оның 8 611-і тұрақты қызметке орналасқан.

Сондай-ақ, 1004 азамат — жастар практикасы бағдарламасымен жұмыс тапса, 2 770 адам — әлеуметтік, 9 206 адам — қоғамдық жұмыс орындарында жұмыс істеуде. Сонымен қатар, 775 адам — алғашқы жұмыс орнына орналасса, 1801 азамат — «Күміс жас» жобасына жолданған.

Облыстағы Мансап орталықтары жыл соңына дейін бұл көрсеткіштерді арттыра түсетін болады. Қазіргі жоспарға сәйкес, 2024 жылдың аяғына дейін 118,8 мың адамды жұмыспен қамту көзделіп отыр.

Түркістан облысының Өңірлік коммуникациялар қызметі