Республикалық бюджетте жолаушылар вагондарын сатып алуға 40 миллиард теңге қарастырылған. Ол үшін “Бәйтерек” ұлттық басқарушы холдингіне республикалық бюджеттен кредит беріледі.
Одан ары “Бәйтерек” холдингі Қазақстанның даму банкіне тағы да оны кредит ретінде береді. Қазақстан даму банкі өз кезегінде оны “БРК-Лизинг” акционерлік қоғамына тағы кредит ретінде береді. Содан БРК-Лизинг вагондарды сатып алып, “Жолаушылар тасымалы” АҚ-ға лизингке береді. “Қаржы лизингі” деген ол тағы несие деген сөз ғой. Менің сұрағым, бюджет қаражаты түпкілікті жеткенге дейін делдалдың саны неліктен көп? Осы делдалсыз Қазақстан теміржолын қаржыландыруға неге болмасқа?
sputniknews.kz