Мұғалімдерді бұдан былай өзіне қатысы жоқ жұмысқа тартса, қағазбастылыққа салып қойса және тексеруші органдар шамадан тыс мазаласа, директор болсын, әкім болсын, шара қолданылады. Яғни 50 мыңнан 300 мың теңгеге дейін айыппұл қарастырылған.

Қолданысқа түскелі бері даудан арылмаған электронды күнделік туралы сөз бөлек. Өйткені білімді тегін алу оқушының Ата заңмен бекітілген құқығы. Бірақ күнделікті қолдануға келгенде оған ақы төлету Білім министрлігіне жараспайды

Бағасын білу – ақылы, мұғалімнің сын, ескертпелерін білу – ақылы, ұялы қосымшамен кіру – ақылы. Мұның барлығы білім беру жүйесінің құрамына кіреді. Ата-ана мұғалімнің сын-ескертпелерін білмейтін болса, баласының үлгерімін қалай бақылап отырады?

ktk.kz