ҚМДБ биылғы жылға арналған Ораза кестесін жариялады. Яғни биылғы қасиетті Рамазан айы 24 сәуірден 23 мамырға дейін созылады. Мамыр айының 19-нан 20-на қараған түн – қасиетті Қадір түні. Биылғы пітір садақаның мөлшері жан басына шаққанда 370 теңге болып белгіленді. Төтенше жағдайға байланысты Рамазан айында берілетін пітір садақа мен зекетті kaspi.kz мобильді қосымшасы арқылы аударуға мүмкіндік жасалған. Карантин кезінде мешіттерде жұма, тарауық, күнделікті жамағат намаздары уақытша оқылмайды. Сонымен қатар, мешіт пен қоғамдық орындарда ауызашар берілмейді.