Түркістан облысы Жетісай ауданы Қарақай ауылдық округінің тұрғыны Жұпарбек Керімбеков өз кәсібін үй іргелік егістен бастаған. Шаруа алғашқы кезде ауласындағы 15 сотық жеріне қызанақ егіп, 1 қорабын 2500 теңгеден саудалап, қомақты табыс тапқан.
«Бақшадан пайда тауып, кәсіп ашамын деп еш ойламадым. Кейін уақыт өте келе үй іргеліктен егістік жерге диқаншылық жасауға көштім. Қазір баялдырдың өзінен 5 миллион теңге көлемінде пайда таптым. Құдайға шүкір, диқаншылықтың, еңбектің арқасында тұрмыстық жағдайымды жақсартып, бала-шағамды оқытып отырмын. Ерінбей еңбек етсең, жер ана жерге қаратпайды», – дейді жетісайлық диқан.
Айта кететін болсақ, баялдырдың көтерме бағада 1 келісі 270 теңгеден саудаланып жатыр. Аталмыш бақша дақылы гектарына 25 тоннаға дейін өнім береді.
ТҮРКІСТАН: ЖЕТІСАЙЛЫҚ БАҒБАН КӘСІБІН 15 СОТЫҚ ЖЕРМЕН БАСТАҒАН
