Қазақстан Республикасы Мәдениет және спорт министрлігінің «Әзірет Сұлтан» мемлекеттік тарихи-мәдени қорық-музейі» РМҚК қызметкерлері арасында шахмат, дойбыдан турнир өтті.
ҚР Тәуелсіздігі күніне орай ұйымдастырылған сайыстың мақсаты — еліміздегі бұқаралық спортты кеңінен насихаттау, мекеме қызметкерлерінің интеллектуалдық танымын арттыру және салауатты өмір салтына баулу болып табылады.
Қорық-музейдің 20 — 63 жас аралығындағы қызметкерлері қатысқан жарысқа музей қызметкерлері және қалалық Балалар мен жасөспірімдер орталығының шахмат, дойбы, тоғызқұмалақ үйірмесінің мамандары қазылық жасады.
Спорттық сайыстың жеңімпаздарын «Әзірет Сұлтан» мемлекеттік тарихи-мәдени қорық-музейі» РМҚК директоры Нұрболат Ахметжанов арнайы алғыс хат және ақшалай сыйлықтармен марапаттап, қорық-музей жұмысын жандандыру жолында өзіндік елеулі үлестерін қосумен қатар салауатты өмір салтын насихаттау бағытында қолға алынған шараға да белсенділік танытып, қарым-қабілеттерін көрсете білген барша қызметкерлерге алғысын білдірді.
Алдағы уақытта музей қызметкерлері арасындағы спорттық жарыстар футбол, волейбол, баскетбол сынды ойындармен жалғасын табады.