2021 жылғы 16 наурыз күні сағат 14.00-де Түркістан облысы ТЖД кезекші-диспетчерлік қызметінің пультіне 1980 жылы туған ер адамның жоғалғаны туралы хабарлама түсті. Ол екі күн бұрын мал іздеп шығып, содан қайта оралмаған.
Іздестіру-құтқару жұмыстарына Түркістан облысы ТЖД (11 қызметкер мен 1 бірлік техника, Полиция департаментінің күштері мен құралдары (1 қызметкер) және жоғалған адамның туыстары (3 адам) жұмылдырылды.
16 наурызда сағат 15.10-да құтқарушылар ер адамды жоғалып кеткен орыннан екі шақырым жерде Көккөз ауылынан тауып алды. Ол тереңдігі 3 метр құдыққа түсіп кетіп, өздігінен шыға алмаған екен.
Құтқарушылар ер азаматты құтқару жібінің көмегімен құдықтан алып шықты. Зардап шеккен кісі медицналық көмекке мұқтаж емес.