Бірінші ауыр салмақта IBF тұжырымы бойынша кәсіби боксшылар арасында бұрынғы әлем чемпионы, тәуелсіз Қазақстанның бокстан алғашқы олимпиада чемпионы, Вэл Баркер кубогының иегері, отандық бокстың аңызына айналған Василий “Балқаш жолбарысы” Жиров ислам дінін ресми түрде қабылдады. Бұл туралы stan.kz сайты хабарлайды.
Бұл жаңалық туралы Рустам Абдусаламов есімді желі қолданушысы: «Кеше айрықша күн болды. Ерекше айт мейрамы. Менімен бірге айт намазына Вася Жиров та тұрды. Ол Астанадағы орталық мешітте өміріндегі алғашқы намазын менімен бір қатарда тұрып орындады. Оны жылы қарсы алған барша жандарға алғысым шексіз», — деп жазды.
