О.СҮЛЕЙМЕНОВ:
Баланың ойын кітап қана өсіреді. Оны да адамға айналдыратын да кітап. Жұмбақ шешіп, «смс» жазып, жауап іздеп отырғаннан өспейді ол. Білмесеңіз, мынаны айтайын. Бұл әдіс алғаш Гарлемда (Нью-Йоркте) пайдаланылды. Нәтижесі не болды? Он жыл партада отырған оқушылар миында түк жоқ, шаласауатты болып шығатын. Сонда да тоқтатқан жоқ. Түлектер түк білмес болып шықты.
Сұрақ-жауаппен ғана шектелетін қазіргі ұрпақтың білім сапасы көр де тұрыңдар ертең Қазақстанның болашағына кері әсер тигізетін болады. Сәбет одағының білім жүйесі өздігінен ойлай алатын, өзіндік пікірі бар буынды тәрбиеледі. Қазіргі ұрпақ керісінше. Кітаптың не екенін ұмытқан. Бұл кезеңнен өтеміз бе, жоқ па?..