Әл-фараби ауданы Полиция басқармасының қызметкерлері қауіпсіздік шараларын күшейту мақсатында жүргізілген рейд барысында түнгі сағат 23:15-те Шымкент қаласы, Байтұрсынов көшесі 91/4 үйде орналасқан «Наурыз» бильярд клубы карантиндік талаптарды сақтамай жұмыс жасап жатқаны анықталды. «Наурыз» бильярд клубына қонақтарды қабылдап (20-30 адам) сонымен қатар клуб қызметкерлері бір реттік бетпердені тақпағандары белгілі болды.
Рейдтік шаралар қала аумағында күшейтілген режимде жүруде.
Бильярд клуб әкімшілігінен түсініктеме алынды.
Шымкент қаласы Полиция департаментінің қызметкерлері мен аудандық әкімдік өкілдерінен жасақталған мобильді топ өкілдері карантин талаптарының сақталуын қатаң қадағалауда.