Бүгін 2025 жылға дейінгі «Жастар-Отанға!» бағдарламасының жол картасы аясында «Жас отбасыларды қолдау және жастарға қолжетімді баспана» бағыты бойынша Жастарды қолдау жөніндегі республикалық қоғамдық кеңестің төрағасы Ахметов Мади Абылайұлы және қалалық кеңес мүшелері Асар-2 тұрғын үй алабындағы «Жастарға берілген тұрғын үй» кешенін аралап, ондағы жағдаймен танысты.

🔹Осы бағдарламаның орындалу барысы мен кездесіп жатқан кедергілерді азайту мақсатында тұрғындармен кездесу өтті.

🔹Кездесу барысында Асар-2 тұрғын үй алабының тұрғындары келесідей мәселелерді айтты:

1. Тұрғын үй алабында ешқандай спорт алаңшасының болмауы;
2. Қауіпсіздікті сақтау мақсатында жаяу жүргіншілер жолының жоқтығы;
3. Жол мәселесі. Ондағы асфальттың әлі күнге дейін төселмеуі;
4. Қоғамдық көліктің өте сирек қатынауы;

🔹Осы мәселелер бойынша Шымкент қалалық маслихат депутаты Алимбек Аслан Асар-2 тұрғын үй алабына қыркүйек айында жаңа спорт алаңшасы пайдалануға берілетіндігін жеткізді.