Шымкент қаласы мәслихатының депутаты Мұрат Жолдыхожаев халық алғысына кенелді. Ол «Nur Otan» партиясы Шымкент қалалық филиалының бастамасымен қолға алынған ел Тәуелсіздігінің 30 жылдығына орай «30 қайырымды іс» атты акциясы аясында №55 балабақша ауласына өз қаржысы есебінен автотұрақ салып берді.
Депутаттың бұл демеушілігі балабақшаға баласын ертіп баратын қаншама ата-анаға ыңғайлылық сыйлады. Халық қалаулысына автотұрақ салып беру туралы өтінішті Абай ауданы «Солтүстік Батыс» мөлтек ауданы тұрғындарының атынан ауыл билері айтқан болатын. Аға буынның өтініш-тілектеріне бей-жай қарамаған депутатқа жергілікті тұрғындар алғыс білдіріп, рахметін жаудыруда.
ДЕПУТАТ АЛҒЫС АРҚАЛАДЫ
