Шымкент қаласы Полиция департаменті Патрульдік полиция полкінің қызметкерлері «Камаз» маркалы жүк көлігін тоқтатады. Яғни жүк көлігі Өтегенов көшесінің бойында көше мен қоршаған ортаны ластап, айналаның бәрін шаң-топырақ қылып, абаттандыру қағидасын бұзғаны анықталды.
Аталған жайт бойынша жүргізушіге қатысты ҚР ӘҚБтҚ-нің 630-бабы (Жолдарды, темiржол өтпелерiн және басқа жол құрылыстарын бүлдiру) бойынша әкімшілік хаттама толтырылып, түсіндірме жұмысы жүргізілді.
Сондай-ақ, тәртіп сақшылары қала тұрғындары мен қонақтарына абаттандыру қағидаларын бұзған жағдайда, әкімшілік жауапкершілікке тартылатынын ескерте отырып, тазалықты сақтауды сұранады.