Қытай ғалымдары әлемде алғашқылардың бірі болып адам денесін мұздату операциясын жасады. Олар адам денесін төмен температурада сақтау арқылы болашақта олардың өмірін ұзартпақ.

ShandongYinfeng Biological Engineering Group компаниясының мамандары 49 жастағы өкпе ісігінен қаза тапқан Чжан Вэньляньның денесін жұбайының рұқсатымен криокамераға орналастырды. Адам денесін мұздату операциясы мамыр айында өткен, алайда бұл туралы ақпарат бірнеше айдан соң ғана жарияланып отыр. 10 мамыр күні өлген әйелдің денесі сұйық азотпен толтырылған 2000 литрлік арнайы контейнерге салынған. Қойма температурасы – 200 градусты құрайды.