Бүгінде қарыз алушы банктен ешқандай қолдау көріп отырған жоқ. Ешбір банк қарыз алушының басына түскен проблемаларына түсіністікпен қарауға тырыспайды. Банк тек оның дүние-мүлкін тартып алудан басқа жол іздеп отырған жоқ. Мысалы, азамат техникалық қызмет көрсету орнын ашқысы келіп, несие алды делік. Алайда, ол ТҚО жұмысы алға баспай, тұралап қалды да, ол алған несиесін уақтылы өтей алмай қалды. Сонда банк қарыз алушы несиесінің ай сайынғы көлемін белгіленген мөлшерден азайтуға тырысудың орнына, оның бизнесін тартып алады. Ісі оңға баспаған мұндай азаматтарды жалақы алу құқығынан да айырады. Ал оның отбасы, балалары бар емес пе? Олар жалақы алмайды, бизнесінен айырылады, мемлекеттік бағдарламаларға қатысу мүмкіндігінсіз қалады, пәтерлерінен қуады, олар үнемі депрессияда жүреді.

Baq.kz