Жапонияның Хиросима қаласындағы балық фермасында өсірілген коя тұқымды тұқы балығы адам сенгісіз жоғары бағаға сатылды. Атын құпия сақтаған Тайвань тұрғыны ол үшін 1,8 миллион доллар төлеген.
Бұл тұқы балық өткен жылғы беделді көрмелердің бірінде бас жүлдені жеңіп алған болатын. Сондықтан оны қолға түсіргісі келгендер бұған дейін де аз болмаған. Бірақ, ешқайсысы мұншалықты көп ақша ұсынбаған. Ал жүлдегер тұқы балықты рекордты сомаға сатып алған тұтынушының өзі де осы тұқымдас балықтарды өсірумен айналысатын көрінеді. Айта кетейік, бұған дейінгі ең қымбат тұқы балық 500 000 долларға сатылған. Соның өзін сарапшылар тым жоғары баға санаған.