2018 жылғы зерттеу бойынша, Париж Еуропадағы ең ауасы лас қалалардың үштігіне кірген (Москва мен Лондоннан кейін). Қала мэрі бұл рейтинг көрсеткішіне көз жұмып қарамай, қала экологиясын сақтау үшін маңызды шешім қабылдады.
Бүгінде Париж қаласының орталығына 1997 жылға дейін шығарылған көліктер кіре алмайды, өйткені олар улы қалдықтарды көп шығарады. Ал әр айдың бірінші жексенбісінде таңғы сағат 10-нан кешкі 6-ға дейін астана көшелерінде көлік мүлде жүрмейді. Тек такси мен қоғамдық көліктерге ғана рұқсат. Онда да олар жылдамдығын сағатына 20 шақырымнан асырмауы тиіс.