Қарапайым дүниелердің өзінен түсінігі таяз лауазым иелерінің халықтың мұңын сезіне алатындығы күмән туғызады. Тіпті олар басқа бір планетада тұрып жатқандай. Әйтпесе, өйтіп-бүйтіп жан сақтап жүрген көпбалалы отбасыларды тұрғын үймен қамтамасыз етудің орнына, уақытша лашық – времянкада тұруға тыйым салу жайлы сандырақты айтар ма еді. Иә болмаса, бір миллион жалақысы бар, үйі мен жүріп-тұруы мемлекет есебінен тегін өтелген депутат бір баланы өсіруге айына жиырма мың теңге жетеді деп айды аспанға шығарар ма еді.
Басқа орын жоқ деген желеумен шынайы өмірдегі уәж бен тілектерін арқалап келгендер, оның ішінде көпбалалы аналар жиынға жіберілмейді. “Кім кімді алдап отыр?” деген сұрақ қайта туындайды.
informburo.kz