Сан ғасырлық ғұмыры бар, тамыры терең тарихымыздың ата-бабамыз аңсап кеткен Тәуелсіздігімізге биыл 30 жыл толып отыр.
Қазақ халқының ғасырлық ұлы арманының орындалуы Кеңес империясының іргесі сөгіліп, оның құрамындағы халықтардың өз тәуелсіз республикаларын жариялауымен байланысты. Тарихтың талай қысталаңынан өткен қазақ халқы 1991 жылы 16 желтоқсанда Тұңғыш Президент, Елбасы Н.Ә.Назарбаевтың көрегендік басшылық-ұйымдастыруымен, Қазақстан зиялы қауымы, республика халықтарының қолдауымен өз Тәуелсіздігін жариялады.
Азаттық, тәуелсіздік әлемдегі барша халықтардың, әсіресе отаршылдықтың ауыр зардабын тартқан халықтардың асыл мұраты болды. Осы арманды ақиқатқа айналдыру бақыты біздің ұрпаққа бұйырды.
Ендігі мақсатымыз ел бірлігін, қазақ жерінде тұратын халықтардың ынтымағын сақтай отырып, алдыңғы қатарлы өркениетті, бейбітшілік сүйгіш мемлекет болу.
Сын шақтан сүрінбей өту бәрімізге ортақ мұрат.