Жоғары оқу орындарының академиялық және басқару дербестігін кеңейту жөніндегі жаңа заң жобасы арқылы осындай өзгеріс енгізілуі мүмкін.
Бұл туралы Білім және ғылым министрі Ерлан Сағадиев үкіметте өткен алқалы жиында мәлімдеді. Ұлттық университеттердің оқу стандарты мен талабын белгілеп, стартап компания құруына да жағдай жасалады. Сондай-ақ, оқыту бағдарламасын әзірлеуге мүмкіндік алады. Ал министрлік білім сапасын бақылайды.
Ерлан Сағадиев, ҚР Білім және ғылым министрі:
— Студенттер жеке өзіне арналған оқу бағытын таңдай алады. Пәндерді терең және қосымша игеруге мүмкіндік бар. Мәселен, физиканы меңгеріп жүрген студент заң ғылымдарын немесе құқық пен маркетингті оқи алады.
Хабар 24.kz