Елбасы Н.Ә.Назарбаевтың «Болашаққа бағдар: Рухани жаңғыру» мақаласы аясында «Әзірет Сұлтан» мемлекеттік тарихи-мәдени қорық-музейінің қызметкері Ардақ Бейсенова Түркістан қаласындағы №9 Некрасов атындағы жалпы орта мектебіндегі оқушылармен кездесті.
Кездесу барысында «Өткен тарихымыз бен ата-бабалар мұрасы» тақырыбында лекция оқып мектеп оқушыларымен пікір алмасты.
Шара соңында, таяуда ғана облыс деңгейінде ұйымдастырылған «Алаш үміті» фестивалінде бас жүлдені жеңіп алған жерлесіміз, саз өнер мектебінің оқушысы Айтбай Ақсұлу қазақтың ұлттық аспабы қобызбен Ақан серінің «Қара торғай» күйін орындап, лекция тақырыбын ашып берді.
«ӨТКЕН ТАРИХЫМЫЗ БЕН АТА-БАБАЛАР МҰРАСЫ» ШАРАСЫ ӨТТІ
