Біз қолымыздан келген негізгі шаруаларды жасадық. Оған да тәуба. Сол уақыттың жартысында елді тонаумен айналыстық. Жерді тонап жатып, өз ұрпағымызды тонап жатқанымызды, ұлы бабалардың аманатын аяқ асты еткенімізді ұғынбадық. Көрінгеннің уысында кеткен байлық бізге гүлденген ғылым-білімді, сәулетті қалаларды, жаңа технологияларды, мықты әскерді, қарқынды демографиялық ахуалды жасауға мүмкіндік берер еді. Әттең десейші. Құқығымызды таптады, үндемедік. Байлығымызды талан-таражға салды, қыңқ демедік. Қазақ қойдан жуас десе, мәз боламыз. Бәрін айт та, бірін айт, біз өз тағдырына, өз мемлекетіне, өміріне, келешегіне немқұрайды қарайтын ұлтпыз.
ult.kz