Көлік инфрақұрылымын дамытуға бюджет қаражатының қомақты түрде құйылып жатқанына қарамастан, бәсекеге қабілеттіліктің жаһандық рейтингісінің «Жол сапасы» индексі бойынша 2017 жылы Қазақстан 115-орын алып, алдыңғы жылмен салыстырғанда өз позициясын 8 тармаққа нашарлатты.
Тендер өткізу рәсімінің ашық еместігі, мердігерлердің адал болмауы, делдалдардың қосалқы мердігерлердің көптігі, сапасыз құрылыс материалдарының қолданылуы автомобиль жолдарының сапасыз салынуына себеп болып саналады.
Мысалы, 2016 жылы «Боғас – Қарағанды» республикалық маңызы бар жолының «Тарбағатай – Аягөз» учаскісіне орташа жөндеу жүргізу кезінде бірнеше мердігер тартылған. Олардың әрқайсысы асфальтты әртүрлі тәсілмен төсеген. Салдарынан жол сапасыз салынған және қазірдің өзінде ол бұзылып жатыр.
Baq.kz