“Ханталапай” деген ойынды кім ойнады? Ең көп ойнап, ойыны қанбағандар Үкіметте секілді. Зейнетақы қорын тағы жеке компанияларға бермек. 5 жыл бұрын ғана БЖЗҚ құрып, жекеден тартып алып еді. Сол кезде 90 миллиард теңге ханталапай болған, ресми түрде “жоқ болып кеткен”. БЖЗҚ басшысы Наурызбаева сол кезде: “Мен өз жина-ғымнан 600 мың теңге жоғалттым, дұрыс жүйе жоқ жерде ондай-ондай болады”,- деп еді. Енді қайта ескі системаға оралмақ. Досаев Тоқаевқа кіріп, ұсынып үлгеріпті. Қанша қаржы “ханталапай” болады екен? Олардың бірде шашып, бірде жинау ойыны қызған сайын халықтың Қорға деген сенімі жойылып барады.
Alashainasy.kz