Шымкент қаласы Қаратау ауданы №90 дарынды балаларға арналған мамандандырылған мектеп-гимназиясында тәртіп сақшылары бастауыш сынып оқушыларына жолда жүру ережелерін түсіндірді.
«Абайлаңыз – балалар!» жедел-профилактикалық іс-шарасы аясында балаларды жол белгілерімен таныстырып, жол қауіпсіздігі бойынша туындаған сұрақтарына жауап берілді.
Сондай-ақ балаларға, ата-аналар мен мұғалімдерге Жол қозғалысы ережелерін сақтау бойынша үлестірмелер, брошюралар және жадынамалар таратты.
Айта кететін жайт, мектеп инспекторлары мен патрульдік полиция қызметкерлері күнделікті таңғы сағат 07:30-08:30, түскі сағат 12:30-14:30 және кешкі сағат 17:30-19:30 уақыт аралығында қала аумағындағы барлық мектептің маңындағы жолдардан оқушылардың қауіпсіз өтуін қамтамасыз етеді.