2021 жылдың 24-қарашасында Еңбекші АПБ-на Шымкент қаласының тұрғыны арызданған. Онда ол, белгісіз тұлға дүкен алдында тұрған құбырын ұрлап кеткенін көрсеткен.
Еңбекші АПБ Криминалдық полиция бөлімінің қызметкерлерімен жедел-іздестіру іс шараларын жүргізу барысында жергілікті жердің тұрғыны анықталып, жеткізілді. Ұсталған азаматтың басқа да қылмыстарға қатыстылығы анықталуда. Тексеру амалдары жүргізілуде.
Өз кезегінде, Шымкент қаласының полицейлері азаматтарға өз мүліктеріне абай болуға шақырады. Егер, Сіз, ұрлықтың құрбаны немесе куәгері болсаңыз, тез арада 102 нөміріне хабарласыңыз.