Аталған іс-шара Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің бастамасымен қалалық Қылмыстық-атқару жүйесі департаментімен (ҚАЖ) бірлесе ұйымдастырылды.
Түрмедегі өмірмен «ҚТЖ — Жүк тасымалы» ЖШС «ГП Шымкент бөлімшесі», «Шымкент магистралдық желі бөлімшесі» филиалдарының басшылығы, сонымен қатар, Абай, Әл-Фараби, Қаратау, Еңбекші аудандары әкімдіктерінің қызметкерлері танысты.
Ұйымдастырушылардың айтуынша, басты мақсат — сыбайлас жемқорлық әрекеттерінің салдарын көрсету, ұжымда сыбайлас жемқорлыққа қарсы мәдениетті қалыптастыру болып табылады.
Сондай-ақ, тергеу изоляторына теміржол саласы басшылығын апаруға ҚТЖ саласындағы талдау барысында анықталған сыбайлас жемқорлық тәуекелдері себеп болған.
Қылмыстық-атқару жүйесі департаменті қызметкерлері қатысушыларды ұстау орындарындағы режиммен таныстырды.
Осылайша мемлекеттік қызметшілер мен теміржол саласы өкілдеріне түрме туралы ескертіп, парамен достасқандарды қандай жағдай күтіп тұрғаны көрсетілді.
Шымкенттік теміржолшылар тергеу изоляторында қамаудағыларды ұстау шарттарымен танысты
