1 мамырдағы ақпарат бойынша Түркістан облысында 5 азамат коронавирус инфекциясынан жазылып, облыста бүгінге дейін инфекциядан жазылғандар саны 43-ке жетті.
Жетісай ауданы, Асық ата кентінің 1971 ж., 1980 ж., 1970 ж., 1990 ж., азаматтары және Жетісай қаласының 2005 ж. тұрғыны коронавирус дертінен айығып отбасыларына оралды.
Олардың барлығы инфекция жұқтырған азаматпен жақын байланыста болған.
Мәліметке сәйкес, науқастар КВИ расталған жағдай диагнозымен ауруханада ем алған. Аталған азаматтар қазіргі таңда толық жазылып, ауруханадан шықты.