Түлкібас ауданына қарасты Қарағашты ауылы тұрғындарының көп жылдардан бері шешімін таппай келе жатқан көпір мәселесі шешімін тауып, ел игілігіне берілді. Аудан орталығымен ауылды екіге бөліп тұрған өзеннен өту үшін тұрғындар 3 шақырым жолды айналып өтіп, аудан орталығына жаяу қатынау тұрғысында көптеген қиындықтарға кездесетін. Биыл көпір құрылысы қолға алынып, ел игілігіне беріліп отыр. Нысанның жалпы ұзындығы — 222 метр. Көпір — 90 метр, ал көпірден шығатын аяқ жол ұзындығы — 132 метрді құрап отыр. Сондай-ақ, түнгі жарықтандыру шамдары қойылыған. Бұдан бөлек, мүмкіндігі шектеулі жандардың жүріп-тұруына да барлық жағдайлар қарастырылған.
ТҮРКІСТАН: ТҮЛКІБАС АУДАНЫНДА ЖАҢА КӨПІР САЛЫНДЫ
