Қазақстан Республикасының Сыбайлас жемқорлыққа қарсы іс-қимыл Агенттігінің Шымкент қаласы бойынша департаментімен сыбайлас жемқорлықтың алдын алу, парасаттылық құндылықтарын насихаттау мақсатында «200 кездесу» жобасы қолға алынды.
Аталған шаралар барысында Департамент, «Шымкент-адалдық алаңы» жобалық кеңсесі, ақпараттық-ағартушылық штабының мүшелері мен дін өкілдері түрлі сала өкілдерімен кездесуде.
Бір ай көлемінде 30-дан астам мекемелердің қызметкерлерімен кездесулер ұйымдастырылып, мәдениет, білім, жұмыспен қамту салаларының өкілдері мен жастар қамтылды.
Кездесулерде жемқорлыққа қарсы іс-қимылды күшейту жөнінде қабылданған заңнамалық шаралар, оның ішінде қарамағындағы қызметкерлердің сыбайлас жемқорлығы үшін басшылардың отставкасы мен комплаенс-қызметтер институты, сыбайлас жемқорлық туралы хабарлағаны үшін азаматтарды көтермелеудің жаңа жүйесі хабарланды.
Қатысушыларға 2022-2026 жылдарға арналған сыбайлас жемқорлыққа қарсы саясат тұжырымдамасының негізгі бағыттары таныстырылды.
Жиында еңбек ұжымдарында парасаттылық қағидаттарын – адалдық, әділдік, әдептілік құндылықтарын енгізуге баса назар аударылды.
Сонымен қатар, Сыбайлас жемқорлыққа қарсы қызметінде тәулік бойы 1424 CaII-орталығының жұмыс істейтіндігі хабарланды.
Лауазымды тұлғалар тарапынан ақша қаражатын бопсалау, жымқыру, өкілеттілігін асыра пайдалануға тап болған кез келген азамат осы номерге хабарласа алады.
ЖЕМҚОРЛЫҚТЫҢ АЛДЫН АЛУҒА БАҒЫТТАЛҒАН «200 КЕЗДЕСУ» ЖОБАСЫ ҚОЛҒА АЛЫНДЫ
