2021 жылдың 28-шілдесінде Шымкент қаласы Полиция департаменті Әл-фараби ауданы Полиция басқармасына жергілікті тұрғын арызданған. Ол өз арызында, «Н» есімді танысы өзіне тиесілі маркасы «OPPO A5C» құны 60.000 теңге тұратын ұялы телефонын қоңырау шалуға сұрап алып, байқамай тұрған кезінде қашып кеткенін көрсеткен.
Әл-фараби АПБ Криминалды полиция қызметкерлері жедел-іздестіру іс-шаралары барысында күдіктінің ізіне түсіп, жедел басқару орталығының бейнекамерасы арқылы көп ұзамай қолға түсірді. Ұсталған адамның бұрын Шымкент қаласы аумағында жасалған осыған ұқсас қылмыстарға қатысы бар – жоғы тексерілуде.
Осы орайда, Әл-фараби ауданы Полиция басқармасының тәртіп сақшылары азаматтарды сақтыққа шақырып, бағалы заттарын автокөлік ішінде, дүкенде, ойын– сауық орталықтарында қараусыз қалдырмауын сұрайды.