Шымкент қаласының жолаушылар көлігі және автомобиль жолдары басқармасы қала ішілік жолдардардың жол таңба сызықтарын жаңарту жұмыстарын жүргізуде. Бүгінде аталған жұмыс кезеңінде 100 шақырымнан астам көшенің жол сызықтары жаңартылған.

Сондай-ақ, қаладағы маңызды көшелердің бірі саналатын — Тәуке хан даңғылы бойындағы жол сызықтары мен жаяу жүргінші өткел жолдар таңбалары жаңартылды. Аталған жұмыс көлік қозғалысына кедергі келтірмеу мақсатында түнгі уақытта жүргізілуде.

Айта кетейік, биыл 450 шақырым көшенің жол таңбалары жаңартылып,  250 шақырымы термопластиктен, ал қалған 200 шақырымы акрильді бояумен сызылады.