Швецияда тері астына микрочип орнату сәнге айналды. Олар бұл чиптердің адам өмірін әлдеқайда жеңілдететініне сенімді. Себебі, ол үнемі арнайы гаджетті қолданбай-ақ, аса маңызды ақпараттарды сақтауға мүмкіндік беретін көрінеді.
Көлемі күріштің дәнінен аспайтын мұндай чиптерді бас бармақтың жоғарғы жағына екпе егуге арналған шприцке ұқсас істіктің көмегімен тері астына орналастырады. Оны орнату шамамен 180 АҚШ доллары тұрады. Қазірдің өзінде Швецияда мұндай чипті төрт мыңнан астам адам орнатып үлгерген.