Қазақстан Республикасы Парламенті Мәжілісінің депутаттары Ерман Мұхтар Тілдәбекұлы мен Ташқараев Ғани Әбдіғаниұлының «Су ресурстары – Маркетинг» ЖШС-нің ұжымымен кездесті.

Кездесуге Шымкент қалалық мәслихат депутаты Наргиза Керимбаева, «Nur Otan» партясы Әл-Фараби аудандық филиалы төрағасының бірінші орынбасары Арай Есенбек қатысты.

Кездесуде көтерілген сұрақтармен ұсыныстар:
▪1.Республикалық маңызы бар қала ретінде Шымкент қаласының қолданыстағы сумен жабдықтау және су бұру жүйелерін қайта құру және жаңғырту жөніндегі іс-шараларды қосу арқылы бұл мәселені Парламент деңгейінде қарау.
▪2. «Тарифтерді қалыптастыру қағидаларын бекіту туралы» Қазақстан Республикасы Ұлттық экономика министрінің 2019 жылғы 19 қарашадағы № 90 бұйрығына тарифтің шығын бөлігіне тұтынушылардың жеке есептегіш құралдарын сатып алуды, орнатуды және қызмет көрсетуді енгізу бойынша толықтырулар енгізу.
▪3. ҚР Су Кодексінің 92-8-бабының талаптарын орындалуын қатаң бақылауға алу.
▪4. Тиісті өңірлердің орташа айлық жалақысы деңгейінде сумен жабдықтау кәсіпорындары үшін орташа айлық жалақыны белгілеу бөлігінде тарифтерді қалыптастыру қағидаларына өзгерістер енгізу.
▪️5. Су бұру жүйесі бойынша мүлік салығының мөлшерлемесін сумен жабдықтау жүйесі бойынша мөлшерлемеге ұқсас 1,5% — дан 0,1% — ға дейін төмендету.
▪️6. Салық және бюджетке төленетін басқа да міндетті төлемдер туралы Кодексінің 313 бабы бойынша тиісті өзгерістер енгізу.

Кездесу соңында Парламент мәжіліс депутаттары айтылған ұсыныстар бойынша тиісті жұмысты қалыптастыруға ықпал жасайтын болады.