Биыл әлеуметтік желілерде жиі талқыланған жол мәселелері шешімін тапты. Әсіресе «Кентау-Ащысай» және «Шәуілдір-Көксарай» бағыты — жергілікті жұрттың әбден ығырын шығарып еді. Енді тозығы жеткен жол жабыны жаңарды. Облыстық автомобиль жолдары және жолаушылар тасымалы басқармасы тапсырысымен Кентау –Ащысай арасына 33, Шәуілдір –Көксарай арасына 11 шақырым асфальт төселді. Аталған нысандар «Жол активтері ұлттық сапа орталығының» сараптамасынан өтті.