Ғалымдар жаңа технологияның көмегімен адам ұрығындағы тұқым қуалайтын жүрек ауруларын тасымалдайтын гендерді алып тастады. Осы  технологияның арқасында болашақта тұқым қуалайтын 10 мыңнан астам аурулардың алдын алуға мүмкіндік тумақ.  
Американдық және оңтүстіккореялық ғалымдардың бірлесе жүргізген зерттеу нәтижелері әлі де нақтылай түсуді қажет етеді. Дегенмен олар генетикалық ауруларды емдеуде үлкен жаңалықтар ашудың аз-ақ алдында тұрғаны анық.

Бұдан бөлек, аталған жаңа технология ата-аналардың болашақ сәбиінің шашы мен көзінің түсін таңдауына және дене күш-қуатын арттыруына мүмкіндік береді.