Бір жігіт соңғы үлгідегі iPhone сатып алып, аялдамада айналдыра қарап тұрса, автобусы келіп қалады. Содан асығыс шалбарының артқы қалтасына сала салады да, автобусқа қарғып мініп, бос орынға барып жайғасады. Осы сәт бірдеңенің қырт ете қалған дыбысы естіледі. Жігіт:

— О, Құдай! Бұл менің омыртқамның сынған даусы болса екен!

Қыз жігітке:

— Жаным, екеуміз үйленген соң, біздің үш баламыз болады.

— Оны қайдан білдің?

— Олар қазір ата-анамның үйінде тұрып отыр.

Жігіт қызға:

— Қарындас, сіздің құлыңыз болуға бола ма?

— Қолыңнан не келеді? Үй салып, тас таси аласың ба?

— Нәзік теріңе массаж жасай аламын.

— Менің атамның белінің құяңы бар еді, жақсы болды ғой.

— Жоқ, тек саған ғана.

— Құлдың таңдау еркі бар деп кім айтты!

МАИ-дың көлігінде отырмыз. Ол да үнсіз, мен де жағымды ашпадым. Ақыры шыдамады, білем:

— Өстіп отыра береміз бе? Маған ештеңе ұсынбайсың ба? – деді. Мен:

— Маған тұрмысқа шығасыз ба? – дедім.

Ол қарқылдап күліп алды да, жібере салды…