Күлкі — көңілдің ажары
Биыл әйелім екеуміз еңбек демалысын бір айға алып, ел сияқты шетелге барып демалайық деп шештік. Сөйтіп, қолда бар ақшамызды ары санадық, бері санадық. Сөйтсек, біз түк те шаршамаппыз…
Екі дос кездесіп қалады. Бірі екіншісіне:
— Кеше әйелімді басқа еркекпен қолтықтасып бара жатқанын көріп, өзімді әрең ұстадым, — дейді. Екіншісі:
— Несіне ұстадың? Жетіп барып, мұрнын бет қылмадың ба?
— Қалай барам? Мен «іссапардамын» ғой!
— Ақшаңды қалай сақтап жүрсің? Долларда ма, еурода ма?
— Тәтті қиялдарымда…
Бір жігіт күндіз-түні компьютерден бас алмайды екен. Бұған алаңдаған ата-анасы дәрігер шақырады. Дәрігер жігітті қарап шығып:
— Емдеу керек! – дейді. Ата-анасы:
— Немен емдейміз?
— Темекімен, ішімдікпен, қыздармен…
Сотта:
— Жәбірленуші, сіздің көлігіңізді ұрлап кеткен осы жігіт екеніне сенімдісіз бе?
— Сот мырза, мына адвокаттың сөзінен кейін мен тіпті өзімде көлік болғанына сенімді болмай қалдым…