Қытайдағы Цзинань қаласында күн панельдерінен тұратын көлік жолының учаскесі салынды. Әзірлеушілердің идеясы бойынша, трасса электрокарларға жүріп келе жатқанда қуат бере алады.

Electrek компаниясы сайтында көрсетілгендей, ұзындығы 1,6 шақырым учаске 660 шаршы метрлік панельдермен жабдықталған. Оның құрылысына 10 ай кеткен. Бұл – қаладағы осындай екінші учаске. Жоба авторларының  айтуынша, инновациялық жол төсемі орташа жүк көліктерінің салмағына да шыдас бере алады.