Канададағы Киплинг қаласында орналасқан Paper­clip Cottage дәмханасы – бір жігіттің табыс хикаясынан сыр шертетін тарихи орын. Дәмхананың алдындағы қызыл қыстырғыш ескерткіші – сол оқиғаның басты кейіпкері.
2005 жылы пәтер жалдаудан шаршаған Кайл Макдональд есімді жігіт жеке үйім болса деп армандайды. Шарасыздықтан ол әлеуметтік желі арқылы бір затты одан қым­батына ауыстыратын ойын ойнауды бастайды. Бәрі қарапайым қыстырғыштан бас­талып, 14 сатылы айырбастан өткен соң, Кайл бір жылдан кейін өзінің жеке үйіне қол жеткізеді. Ол үй кейін дәмханаға айналдырылып, «Қызыл қыстырғыш» деген атауға ие болады.