Бейбіттің бокстан кеткеніне қатты таңғалдым — Қанат Ислам

Қанат Ислам Бейбіт Шүменовтің бокстан кетуі туралы өз пікірін білдірді  дейді vesti.kz сайты.

 

Бірінші орта салмақтағы WBO NABO және WBA Inter-Continental тұжырымдары бойынша әлем чемпионы Қанат «QAZAQ» Ислам (24-0, 19 КО) кеше Астанада өткен баспасөз мәслихатында Бейбіт Шүменовтің бокстан кетуі туралы өз пікірін білдірді.

«Қатты таңғалдым. Спортшы үшін өте өкінішті жағдай. Досым ретінде жүрегім ауырады, жаным ашиды. Нақты шешім емес шығар деп үміттенемін. Алдағы күндері Бейбіттің өз ауызынан естімей, сене алмаймын», — деді Қанат Ислам.

Айта кетейік, отандасымыз Астанадағы ЭКСПО-2017 көрмесі аясында 9 қыркүйекте кезекті жекпе-жегін өткізуді жоспарлап отыр. Оның келесі қарсыласы — АҚШ боксшысы Джеймс Киркленд болуы мүмкін.

Еске сала кетейік, бұған дейін жартылай ауыр салмақтағы қазақ боксшысы Бейбіт Шүменов 19 маусымда бүкіләлемдік бокс қауымдастығының (WBА) шешімі бойынша жартылай ауыр салмақтағы WBA әлем чемпионы титулынан айырылды. Сол күні Бейбіт жаттығуда алған жарақатына байланысты бокстан кететіні белгілі болды.

Оқи отырыңыз... Авторлық мақалалар

Пікір қалдыру

Сіздің E-mail-ңыз жарияланбайды.